Chapter 07 - Sultan Muhammad shah

Sultan Muhammad shah!

Un nur tajajla shan sultan Muhammad shah!

Un waqt shahi mardan  sultan Muhammad shah! 

Aqling basnar ustad ruh khizar cilar saqi !

Ja sany k garas quran sultan Muhammad shah! 

Ruh jeendou israfil ! altir la qiyamat sor!

Deedar ja bot arman sultan Muhammad shah!

Zahir manuwai moula en yenasho sis shuryesh

Alam sis oyun hayran  sultan Muhammad shah!

Sultan Muhammad shah shahzada ali shah bai

Shahzada ali saman sultan Muhammad shah!

Wada lo butan sany ba ja ruh lo guchar dayalam

Ja ilm laduni kaan sultan Muhammad shah!

Una aski juwas ta aat una ishq gamesh ja deen

Deedar  baasek eman sultan Muhammad shah!

Ja nur daman yenas begana sisar but doum

Shulgyo gany asan sultan Muhammad shah!

Una ishq oyam kuos jar omaime abad kha kam

Jajee azal janan sultan Muhammad shah!

Una marifat lo daspar ruh ab i hayat aamin

Ja ab i hayat farman sultan Muhammad shah!

Nurani sag or noukar es daltas halnz una zoun

Gor barchi bila lay asman sultan Muhammad shah!

Altambo bihistng zum ekyoun daman jar yr

Janating daman rizwan sultan Muhammad shah!

Un zahiri deedarar afsus ja atashqaltam

Ju la aslo hurut pinhan sultan Muhammad shah!

Una rahmat shuryaring shuly banda naseerar lail

Saas hyeshi jag or qurban sultan Muhammad shah!